CREATING  THE  POINT  CLOUD  FOR SUBSEQUENT  MODELLING  OF  THE     CIFP  BIDASOA  LHII   WITH  REVIT  BIM This article describes the process to follow to create a point cloud from the scans taken  with the laser scanner. The workflow and methodology followed to obtain the required  accuracy and a suitable amount of data for ease of use with the available software.

 

BIDASOA  IKASTETXEAREN  LASER ESKANEATUA  SORTZEN  REVIT  BIM MODELATUA  ERATZEKO

Aurreko artikuluan, proiektuaren funtsa eta helburuak azaldu zirenean, horiek lortzeko lan-fluxu bat definitu zen. Momentu honetan lan-fluxu horretako pauso batzuk arrakastaz burutu dira.

BIM modelatua sortzeko lan-fluxuaren egoera

Pauso horiek egitearen garrantziaz ohartu gaitezen, aukeratu dugun eraikinaren kasuistikaren zailtasuna gogoratu nahi dugu aurretik:

·         Eraikinaren tamaina: 5 solairu + sotoa ditu.

·         Solairu bakoitzean dauden estantzi kopurua. Gelak oso txikiak dira eta horrek egin beharreko eskaneatu kopurua handitzen du.

·         Eskaneatu kopuru handiak ondoren eragina izango du horiek "lotzerakoan" eta sortuko dituzten puntu kopuru handiengatik.

·         Erabilitako eskaneatuen kalitate handiak informazio bolumena handituko du. Azkenean, eskaneatzeaz gain,  360°-tan argazkiak atera dira, koloreak aplikatzeko argitasuna eta esposizioa neurtu da eta klinometroa eta iparrorratza erabili dira... Gainera kanpoko eskaneatuetan GPS-a erabili da koordenatuak lortzeko.

Eskaneatuak astebetez egin dira, ahal zen guztietan arratsaldez, eskola barruan zegoen jende kopurua txikiagoa delako eta horrela eskaneatu "garbiagoak" egin ahal izan direlako.

Azkenean 182 eskaneatu burutu dira, kanpoaldeaz gain, sotoa, beheko solairua eta P1 eta P2 solairuak neurtu dira bere osotasunean, hau da, eraikinaren % 75

Faro Scene, eskaneatuen prozesatua eta erregistroa

Eskaneatu hauetatik puntu-hodeia lortzeko SCENE softwarea erabili da. Prozesu honetan, lehenik, solairuka "lotu" dira eskaneatuak.

Software honek, diana gabe eta eskaneatuak lotzeko puntu komunen erregistro manuala erabili gabe, badu modu automatiko bat:

Goitiko bista eta laino-laino erreferentziak topatzen ditu automatikoki eta eskaneoak lotzea lortzen du. Beren artean komunak diren puntuen ehunekoa % 20ra iristen bada, hauek milimetroko zehaztasunez lotzea ahalbidetzen da.

 Automatikoki lotutako eskaneoak, goitiko bista

 Automatikoki lotuta eskaneoak isometrikoan

Batzuetan, hala ere, automatikoki ezin izan dira Clusterrak (lotutako eskaneoak)  sortu, puntu komunen kopurua txikiegia izan delako edo argitasun diferentziengatik. Kasu horietan eskuz lotu ditugu, eta horretarako, 2 eskaneoen artean komunak diren plano puntu eta erreferentziak seinalatu ditugu eskaneoen gainean. Zehaztasuna berdina izan da  ---> 5 mm-tik behera.

Eskaneoak eskuz lotzen

Eskaneoak eskuz lotzen

Emaitza zehaztasun doitasun eta kalitate onekoa izan da. Zalantzarik gabe, gure helburuetarako gehiegi. Kontuan hartu behar da gainera, eskaneatu gabeko itzalak ere algoritmo matematikoak erabiliz hobetu daitezkeela. Hurrengo irudian ikus daiteke zenbat puntu sortzen diren solairuko:

P1 solairua batuta

SCENE-n barruan, azken prozesua solairuak beren artean lotzea izan da.

Solairuka lotura osatzen

Registered Point Cloud: azken erregistroa eta esportazioa

Behin hau egin ondoren, puntu-lainoa osatu da. BIM modelatuan lan egiten hasteko azken pausoa geratzen da---->esportazio metodo egoki bat topatzea, ondoren, Revit-en malgutasunarekin eta doitasunarekin modelatzea ahalbidetuko duena.

Emaitza